北角匯嘅法國得獎品牌餐廳- Briketenia同日本扭扭棒雕塑家藤崎琢磨（Takuma Fujisaki）聯手合作，今次聯乘非常特別！推出全球首度同時限定嘅藝術餐單「Takuma Menu」！由3月27號至4月30號，Briketenia獨家嘅「Takuma Menu」將精心挑選多款來自日本同法國嘅新鮮食材，配合法式烹調手法，將立體嘅藝術創作「燴」製成色彩繽紛嘅視覺盛宴！而日本嘅「雕塑家」Takuma Fujisaki亦帶嚟兩個令人期待嘅用餐體驗，唔單止親自揀選兩件佢最心愛嘅作品喺餐廳展出，仲會安排經典角色MIKE以巨大化嘅形象喺晚市時段突然現身餐廳，帶嚟驚喜！
內容目錄
「扭扭棒大神」Takuma Fujisaki全人手製作藝術品
嚟自日本東京嘅藤崎琢磨（Takuma Fujisaki），被譽為「扭扭棒大神」。佢嘅作品以鮮豔嘅色彩而聞名，造型可愛，希望能夠展現一個充滿色彩嘅世界。多年嚟，佢一共扭出咗200個以上嘅角色。所有嘅作品都係純手工製作，完全冇使用任何黏合劑或者基座等其他輔助材料，突顯出佢非凡嘅技藝。喺三月藝術月期間，藤崎琢磨更首次嚟到香港參加國際矚目嘅藝術盛事ComplexCon，同埋參與呢次同Briketenia嘅全球首次聯乘藝術饗宴企劃。
全球首度聯乘藝術餐單 視覺及味覺的日法藝術饗宴
Briketenia同藤崎琢磨攜手設計咗一個期間限定嘅藝術餐單叫「Takuma Menu」，總共有五道菜式。呢個餐單主打「當造食材」、「鮮艷顏色」同「創新配搭」三大特點。佢哋使用咗多款優質食材，包括日本海膽、三文魚籽、法國鵝肝同牛柳等，再配合藤崎琢磨為每道菜式設計嘅主要色調，展現出餐廳對新鮮食材同藝術家個人風格嘅堅持。藤崎琢磨同Briketenia嘅主廚攜手設計咗總共廿道菜式，再從中選出嚟五道菜式，每一道菜式都花咗大約一個月嘅時間嚟創作，可見佢哋嘅用心同努力。呢個「Takuma Menu」喺3月27日至4月30日期間供應，可以揀選午市套餐（三道菜；每位$380）、晚市套餐（五道菜；每位$680）或者單點主題甜品（每份$98）嚟品嚐！
兩大升級用餐驚喜體驗
為了令大家有升級的用餐體驗，Takuma更為是次合作帶來兩大驚喜，當中包括：
私珍藏展出
Takuma親自挑選咗兩款特別有意義嘅袖珍版藏品，分別係MOGAL ALIEN Raylene同MOGAL ALIEN cosmo。除咗呢兩款，仲有一系列其他精品都會喺餐廳度展出，為大家用餐嘅體驗增添藝術嘅玩味。嚟餐廳嘅客人可以一邊享受美食，一邊欣賞呢啲珍貴嘅藝術品，帶嚟一種獨特嘅藝術體驗。
MIKE驚喜突襲
經典角色MIKE會喺推廣期間嘅晚市時段突然出現！佢係一個象徵運動力嘅經典角色，身高1.3米，鮮橙色嘅造型特別吸引眼球！MIKE充滿活力，喺4月5日至4月28日期間（星期五、六、日同公眾假期）晚上6時至10時之間，會不定時現身同藝術愛好者合照。佢嘅出現一定會為晚餐帶來驚喜彩蛋，令晚餐更加精彩！快啲把握機會同MIKE影相啦！
Briketenia餐廳
地址：北角渣華道123號北角匯二期2樓206號舖
電話：5505-1115
營業時間：
星期一至星期五︰12:00 – 15:00 及18:00 – 22:00
星期六、日及公眾假期︰12:00 – 22:00
公眾假期: 12:00 – 22:00
–
【5月精選活動】
- 母親節蛋糕2024｜17間母親節限定蛋糕優惠推介！夠特色、打卡一流！
- 母親節自助餐2024｜14間自助午餐/晚餐推薦！人均低至$221！
- 【NAKED FLOWERS花舞光影展香港站】8大打卡展區！佔地10000呎
- 添馬公園TeamLab丨維港3月近300個互動彩蛋登場！日期時間地點
【人氣親子活動】